Hotzarekin hasiko dugu eguna, eta baliteke izotza sortzea. Horiekin batera, lainoak sortu daitezke, eta zenbait lekutan nahiko iraunkorrak izan daitezke, gainera. Baina horiek altxatzen direnerako, zerua nahiko garbi geratuko da, eta Eguzkia gailenduko da. Haizearen norabidean ere aldaketa dator, ekialdetik joko baitu, ahul. Gasteizen -1 eta 9 gradu arteko aldea ikusiko dute termometroan.
Antzerako norabidean joango da ostirala ere. Lainoak agertuko dira goizean, baina gero nahiko oskarbi geratuko da. Haize ahul eta aldakorra izango dugu, arratsaldean ipar-ekialdean finkatuko bada ere. Eguzkiak egindako lana nabarituko da tenperatura maximoetan: -2 gradutan hasi eta 12 graduraino igoko da galinstanoa.