Hodei askorekin jarraituko dugu, bai eta zaparradekin ere. Abisu horia mantendu dute gaur eta biharko, elurragatik. Gaur 600-800 metroan mantenduko da kota, baina arratsalde eta gau parterako 400-600 metrora jaitsiko da. Haizeak bolada gogorrak izango ditu, iparraldetik. Izotza izateko arriskua bere horretan mantentzen da. Termometroetan, Gasteizen 1 eta 4 gradu artekoa aldea ikusiko dute, baina sentsazio termikoa -3 gradura iritsi daiteke. Abrigatu eta txanoa eroan.
Asteburuan ez dugu giro epelik aurkituko. Bi egunetan zeru hodeitsuak eta zaparradak izango ditugu, eta larunbatean azken orduetan elur kota 300-500 metroan kokatu daiteke. Iparraldeko haize zakarrak ez ditu gauzak erraztuko, baina igande gauean atertuko duela dio Euskalmetek. Bi gunetan 0-3 eta 0-4 gradu arteko tenperaturak espero dira hiriburuan.