Hodeiak eta prezipitazio txikiak espero dira ostegunari hasiera emateko. Norabide aldakorreko haizea izango dugu: azken asteotako joerari jarraiki, ahul-bizia izango da haize hori, bolada gogorrekin. Elur kota 800-900 metrotan hasi eta 600-800 metrora jaitsiko dela kalkulatu dute. Modu berean, izotza sortu ahalko da. Izan ere, eguneko tenperaturen tartea 1 eta 6 gradu artekoa izango da Gasteizen.
Ostiralean agertokia antzerakoa izango da, baina zertxobait kaskarragoa: zerua oso hodeitsu egongo da, eta prezipitazioak egongo dira. Horiekin batera, elur kota jaitsiko da: 600-800 metrotan egongo da egunaren hasieran, baina 400-600 metrora jaitsi daiteke arratsaldean. Haizea ere zakar, bolada gogorrekin. AEMETek 0 eta 4 gradu arteko alde iragarri du.