Jaio eta bukatu. Azkena gure alde azken biraren azken kontzertu historikoa bizi zuen Gasteizek joan den ostiralean, urtarrilaren 6an. Eguerdiko giroa lau ordu baino gehiagoko ikuskizun batekin borbildu zuen Hertzainak taldeak, Mendizabalan 10.000 pertsona baino gehiago hartu zituen karpa klimatizatuan.
20:00etatik aurrera, gonbidatuen zerrenda luzeak berotu zuen zetorrena: besteak beste, Peru Abarrategi, Manex Agirre, Paula Amilburu, Xabier Amuriza, Juantxo Arakama, Jon Basaguren, Dupla, Iñigo Etxezarreta, Xabi Igoa, Joseba Irazoki, Miren Narbaiza, Ruper Ordorika, Oihane Perea, Mikel Urdangarin eta Iñaki Viñaspre igaro ziren oholtzatik. Ondoren, 22:00ak aldera, Iñaki Garitaonaindia Gari, Luis Javier Saiz Txanpi eta Josu Zabala lagunez inguratuta igo ziren agertokira, taldearen errepertorio historikoaren zati handi bat publikoarekin batera abesteko.
1978. urtearen bueltan sortu zen Hertzainak, eta 1981eko Gabon Zaharrean eskaini zuen bere lehen kontzertua, Gasteizen. 1993ko urriaren 30ean, Izarran eskaini zuen bere azken kontzertua. Horren ostean, itzulera xume batzuk egin dituzten arren —2012an Hell Doradon, Tito Aldamaren omenez; edo 2019an Bilboko Kafe Antzokian eta beste zenbait emanalditan, Josu eta Gariren eskutik—, taldekideak bestelako proiektu batzuetan murgildu dira. Azken kontzertu honekin, berriz, taldeak behin betiko esan du agur.
🎥 Horrela amaitu zen @_Hertzainak_ talderaren azken kontzertua larunbatean Gasteizen.
— Arabako ALEA (@ArabakoALEA) January 8, 2023
#564 #jaioetabukatu pic.twitter.com/rqX5vpUymz