Batez ere goizean hodeiak izango ditugu, baina eguerditik aurrera eta arratsalde partean gutxituko omen dira. Kostaldean zaparradak izango dituzten arren —abisu horia ezarri dute itsasaldean—, ez dira gurera iritsiko. Elur kota 1.300 metro ingurutan mantenduko da, eta norabide aldakorreko haize bizia izango dugu, bolada gogor batzuekin. Gasteizen 2 eta 10 gradu arteko aldea egongo da termometroetan, AEMETen arabera.
Bihar goizerako lainoa espero da. Oro har, zerua hodei gutxirekin egongo da, baina batez ere lehenengo partean hodeitsu egongo da. Haizeak gogor joko du hegoaldetik. Tenperaturetan, maximoek gora egingo dute: Gasteizen 1 eta 14 gradu arteko aldea iragarri dute.