Ertzaintzak goizaldeko 02:30ean jakin du 77 urteko gizon batek bere ibilgailuarekin ezbehar bat izan duela, trabatuta geratu dela landa pista batean, antza denez Araba eta Bizkaia artean zehazterik ez zuen gune batean. Abisu horretatik, Ertzaintzaren patruilak BMW-318 ibilgailu urdin bat eta pertsona aurkitzen saiatu dira. Herritarren laguntza eskau dute ibilgailuaren kokapenari buruzko informaziorik izanez gero, SOS Deiak-en 112 telefonora deitzeko.
Bilaketa dispositiboaren barruan, Laudioko eta Gasteizko ertzain-etxeetako patruilak daude, bai eta Durangoko eremu mugakidea eta Ertzaintzaren helikoptero bat ere, pertsonaren ibilgailua airetik aurkitzen saiatzeko. BMW-318 turismo urdina da, landa-pista batean abandonatuta egongo litzatekeena. Antza denez, bilatzen ari den pertsonak inguruko etxebizitza baten bila alde egin du, orientatzeko, baina despistatu edo desorientatu egin da.
Bilaketa eremua oso zabala da, eta, besteak beste, Orozko, Laudio, Altube, Barazar, Okondo, Legutio eta Zigoitia hartu ditu. Polizia eta helikoptero bat deskribatutako eremua arakatzen ari dira. Eusko Jaurlaritzako Larrialdiei Aurregiteko teknikari batek koordinatzen ditu mobilizatutako langileen lanak.