EAko ildo kritikoko zenbait kideren Twitter kontuak itxi egin dituzte, tartean Iratxe Lopez de Aberasturi Gasteizko EH Bilduko zinegotzi eta Arabako EAren koordinatzaile ohiarena. Gainera, besteak beste, Maiorga Ramirez Nafarroako parlamentari eta ildo kritikoko buruari eta Mikel Goenaga Gipuzkoako EAren koordinatzaile ohiari ere kendu dizkiete sare sozialeko kontuak.
Ildo kritikoko EA Bizirik plataformak alderdiko zuzendaritzari leporatu dio gertatutakoa, eta "sorgin ehizan" aritzea leporatu dio: "Eva Blancoren exekutibak 2023a berriro ahots ezberdinak eta aniztasuna isilarazi nahian hasi du. Atzoko Maiorga Ramirez eta Iratxe Lopez de Aberasturen kontuei Mikel Goenaga, Ikerne Badiola eta Koldo Amezketarenak gehitu behar zaizkie. Ez gaituzue isilduko! EA demokratikoa!".
Twitterren, hain zuzen, EAko idazkari nagusi Eva Blancok adierazi du ez duela zerikusirik gertatutakoarekin, eta salatu du ez dela "onargarria" aferaren harira pairatzen ari den jazarpena: "Debatea eta adierazpen askatasunaren alde nago, beti ere errespetutik. Argi utzi nahi dut ez dudala bat egiten eta ez dudala zer ikusirik guzti honekin. Azken egunotan pairatzen ari naizen jazarpena ez da onargarria".
Jakin izan dut hainbat pertsonei kontuak itxi dizkietela.
— Eva Blanco (@BlancoEba) January 3, 2023
Debatea eta adierazpen askatasunaren alde nago,beti ere errespetutik.
Argi utzi nahi dut ez dudala bat egiten eta ez dudala zer ikusirik guzti honekin.
Azken egunotan pairatzen ari naizen jazarpena ez da onargarria.
Debatea eta adierazpen askatasunaren alde egotea ekintzekin adierazten da eta zure gidaritzapean eginikoak ez datoz bat hitz hauekin. Egia bada guzti honekin zerikusirik ez duzula, bihar goizean ondo dakizun zure ejekutibako kidearen dimisioa iragarri beharko zenuke. Demokrazia! https://t.co/E1uAljm7jO
— EA Bizirik (@eabizirik) January 3, 2023
Maiorga Ramirez eta EH Bilduko beste hainbat kideren kontuak itxi dituzte. EAko kideak guztiak. Zein mesede egiten dio horrek inori? Ordezkari publikoek debate publikoan egon behar dute. Oinarri demokratiko hori errespetatzen ez dakienak zein zilegitasun dauka? 🤷♂️
— Ion Ansa Mendizabal (@ionansa) January 3, 2023
Azken orduetan EAko zenbait kritikoren kontuak itxi dituzte: Mikel Goenaga, Iratxe Lopez de Aberasturi, Koldo Amezketa edota Maiorga Ramirezenak besteak beste.
— Mitxel Elortza Exea (@Gasteiztar1) January 3, 2023
Purga politikoak ez dio inori mesede egiten. Elkarbizitza eta elkarrizketa da bidea, ez zentsura.
Adierazpen askatasuna! https://t.co/FV4XS0ab97 pic.twitter.com/tVhjpgbMgI
Espero dezagun beste inoren konturik ez etentzea ondorengo orduetan.
— Begotxu Olaizola Elordi (@begotxuo) January 3, 2023
Gustokoak ez diren iruzkinak sareetatik ezabatzeko edozein tresna erabiltzeko prest egoteak errespetu gutxi eta aldarte demokratiko kamutsa erakusten du