Pertsona bat hil eta beste hiru lagun zauritu dira gaur goizean Barrundian izandako auto istripuan. Eusko Jaurlaritzako Segurtasun Sailak jakinarazi duenez, goizeko hamaikak baino lehen gertatu da bi autoren arteko istripua, A-3140 eta A-4005 errepideen arteko bidegurutzean, eta autoetako bat irauli egin da hantxe.
Lau lagun zihoazen, eta horietako bat oso larri zauritu da; handik gutxira zendu da. Osakidetzak helikoptero bat ere mobilizatu du, eta, ondorioz, errepidea itxi behar izan dute bi noranzkoetan, ibilgailuak bertatik erretiratu dituzten arte.
Trafiko istripua A-3100 errepideko 16,7 km-an, Dalloko bidegurutzean, bi ibilgailurekin eta lau pertsona ukiturekin. pic.twitter.com/gSHa1QjlEW
— Arabako Foru Suhiltzaileak (@BomberosAraba) December 26, 2022
2 ibilgailuren arteko #Istripularria ibilgailu bat iraulita #A3140 Km 18 #Barrundia-n A-1erako norantzan.
— Trafiko (@trafikoaEJGV) December 26, 2022
Accidente grave entre 2 vehículos, un vehículo volcado en A-3140 Pk 18 Barrundia sentido A-1.#Trafikoa pic.twitter.com/rAIsDEJPMg