Haizete indartsuak direla-eta atzo Euskalmetek kostaldeko lurraldeetarako ezarritako abisu horia gaurkoan ere mantendu du. Arabara ere iristen dira ufada horiek, baina, aldean, lasaiago omen datoz: gurean haizeak 20-40 km/h egin ditzake gaur. Gainerakoan, hodeiak nagusiko dira, eta euria egin dezake ere. Tenperaturak 9 eta 12 gradu artean kokatuko dira.
Biharko antzeko agertokia aurreikusi dute: zerua tarteka hodeitsu egongo da, eta lantzean behin euria bota dezake. Haizea gogotsu mantenduko da, hegoaldetik. Termometroetan ere izango da segidarik: Euskalmeten arabera 8 eta 12 gradu artean mugituko da galinstanoa Gasteizen.