Udazken giroa bere horretan mantenduko da gaurkoan: zerua oso hodeitsu egongo da, eta, batez ere eguerdi eta arratsalde partean euria egingo du. Eolo gogotsu arituko da, gehienetan hegoaldetik. Termometroan, minimoak bere horretan mantenduko dira, eta maximoak are gehiago jaitsiko dira: Gasteizerako 7 eta 9 gradu arteko aldea iragarri dute.
Ostiralean hobera egingo du, eta hodeitza ez da izango horren handia. Ez bide du euri askorik egingo, baina bustitzeko probabilitate handiena goizean izango da. Eguzkia ere ikusiko da. Haizeak iparretik eta ipar mendebaldetik egingo du ufa. 4 eta 11 gradu arteko tenperatura espero da.