Bi pertsona hil dira gaur goizean Bastidan izandako auto istripu batean, Eusko Jaurlaritzako Segurtasun Sailak jakinarazi duenez. Goizeko zortziak baino minutu batzuk lehenago gertatu da istripua, N-124 errepidean, Bastida parean, Errioxarako noranzkoan.
Bi ibilgailuk, auto batek eta furgoneta batek, aurrez aurre talka egin dute, eta bi gidariak harrapatuta geratu dira. Ertzaintzaren hainbat patruila bertaratu dira, baita suhiltzaileak eta osasun langileak ere, baina ezin izan dute ezer egin, eta ziurtatu dute gidariak hil direla. Ertzaintzak ikerketa abiatu du ezbeharraren arrazoiak argitzeko.