Aste osoan bezala, lainoarekin hasiko da eguna. Ondoren, eguzkitsu geratuko da, goizean eta eguerdian bederen. Arratsaldean, ordea, hodeiak ugarituko dira. Hegoaldeko haizeak joko du, bolada gogorrekin. Tenperaturak 6 eta 16 gradu artean mugituko dira.
Asteburuari dagokionez, larunbatean tarteka hodeitsu egongo da, erdi eta goi mailako hodeiekin. Zaparrada txikiren bat ere bota dezake. Igandean, hodeiak eta ostarteak egongo dira. Termometroan, minimoak nahikotxo igoko dira, baina maximoak ez dira gehiegi igoko: hurrenez hurren, larunbatean eta igandean 13–17 eta 10-17 gradu arteko aldeak espero dira.