Zeru hodeitsuekin etorriko zaigu asteartea, batez ere arratsalde partean, eta noizbehinka euri txikiren bat bota dezake ere. Hego haizeak joko du, gogotsu. Euskalmetek abisu horia ezarri du haizeagatik, baina printzipioz, igaro den gauerako emana du. Tenperaturak 13 eta 16 gradu artean baino ez dira mugituko Gasteizen.
Bihar, antzeko giroa izango da: zeru estaliak, eta euria han-hemenka. Arratsaldearen amaierarako atertuko du, eta hodei arteko ostarteak zabalduko dira. Goizean haizeak hegoaldetik egingo du, baina arratsaldean ipar osagaia gailenduko da. Hotzerako joera mantenduko da: 8 eta 14 gradu arteko aldea espero da.