Goizean goiz lanbroak agertu daitezke. Horiek altxatzean, batek daki. Izan ere, euskal meteorologia agentziak dio zerua "hodeitsu" egongo dela, "tarte oso hodeitsuekin", baina widgetak berak Lorenzo dotoreak marraztu ditu, oskarbi izenburupean. Sirik eta MSNk diote giro eguzkitsua izango dugula. Haizeak hegoaldetik egongo du, bolada gogorekin. 7 eta 15 gradu arteko aldea espero da termometroan.
Biharko, bai, iragarpenak bat datoz: hodeiak izango ditugu nagusiki, eta euri pixka bat ere bota dezake. Haizea, berdintsu, hegoaldetik ahul-bizi, bolada gogor batzuekin. Tenperaturetan, minimoetan nabarituko da aldaketa handiena: 13 eta 15 gradu iragarri ditu Euskalmetek. Iragarri. Guk ez. Euskalmetek.