Goiz hodeitsua izango dugu, eta lanbroak ere agertuko dira. Hodei horiek euria bota dezakete, ekaitz izaerarekin gainera. Mendebaldetik egingo du haizeak, bizi. Atzoko giro freskoa mantenduko da gaurkoan ere: Gasteiz inguruetan 7 eta 11 gradu artean baino ez da mugituko termometroa.
Asteburuan, pixka bat denetarik izango dugu. Joera orokorra zera izango da: goiz lainotsu eta hodeitsuak, eta arratsalde garbiagoak, eguzkiaz gozatzeko paradarekin. Norabide aldakorreko haize ahula izango dugu, eta Eguzki jaunaren presentzia nabarituko da tenperatura maximoetan: hurrenez hurren, 5-15 eta 7-16 gradu arteko aldeak iragarri dituzte.