Bereziki hegoaldean lainoak agertuko dira Santu Guztien Egunaren bezperan. Goizean zehar hodeiak ugarituko dira, eta eguerdirako behe hodeiak nagusiko dira. Arratsalde gehienean zehar zerua oso estalita geratuko da. Zenbait lekutan zaparrada txikiak botako ditu. Hegoaldeko haizea izango dugu, gogotik, eta egunaren amaieran osagai aldakorrekoa izango da. 9 eta 17 gradu arteko aldea espero da termometroan.
Azaroaren lehenean antzeko giroa izango dugu. Goizean goiz lanbroa agertuko da, eta zerua nahiko hodeituta mantenduko da. Arratsalderako, berriz, ortzia pittin bat garbituko da, hodei gutxirekin. Haizeak aurreko egunetako indarra galduko du, bolada gogorren bat mantenduta ere. Termometroak beheranzko joeran jarraituko du, 5 eta 16 gradu artean mugituz.