Gaurkoan ere zeru ilunak izango ditugu; atzokoak baino estaliagoak, gainera. Alabaina, gau partean ostarte batzuk zabalduko dira. Egunean zehar zaparrada txikiak izango ditugu. Eolo mantso ibiliko da, batez ere iparraldetik. Termometroan, 10 eta 17 gradu arteko aldea espero da.
Bihar, lainoarekin esnatuko da eguna, eta hodeitzak mantenduko dira. Batez ere goizean dago aukera gehien euria botatzeko. Arratsaldean hodeiak gutxituko direlakoan dago Euskalmet. Haizeak iparraldeko osagaian jarraituko du, eta tenperaturen tartea antzera mantenduko da Gasteizen: 12 eta 17 gradu artean.