Hodeiekin hasiko dugu eguna, baina orduek aurrera egin ahala horiek desagertzen joango dira, eta arratsalderako ostarte zabalak geratuko dira. Haizeak ahul joko du, norabide finkorik gabe; arratsaldean, baina, ipar osagaian finkatuko da. 10 eta 20 gradu arteko aldea espero da termometroetan.
Ostiralean, goizean goiz lainoak azalduko dira, eta, oro har, zerua tarteka hodeituta egongo da. Goizean hegoaldetik ufa egingo du Eolok; ohi bezala, arratsalde partean batez ere ipar osagaia hartu du. Termometroan ez da demaseko aldaketarik igarriko: 11 eta 20 gradu arteko aldeak espero dira Gasteizen.