Egun dotoreak ditugu aurrean. Astearte honetan, goizean goizeko lainoak espero dira, baina, ondoren, ortzia nahiko garbi geratuko da, Lorenzo jaun eta jabe izango dugularik. Egunaren hasieran haize aldakorra izango dugu, baina arratsalderako ipar osagaikoa finkatuko da. Tenperaturak 10 eta 24 gradu artekoak izango dira Gasteizen.
Gaurkoaren berdina errepikatuko da biharkoan ere. Behin goizeko lainoak altxatuta, giro eguzkitsua mantenduko da. Goizeko hego haizeak ipar osagaia hartuko du arratsaldean. Tenperaturak ere, berdinetan: 11 eta 24 gradu, beti ere, hiriburua erreferentziatzat hartuta.