Goizean goiz lanbroak agertuko dira aste honen hasierarekin batera, baina ondoren giro eguzkitsua nagusituko da egun gehienean. Noizean behin hodeiak ager daitezke, baina, oro har, atmosferaren goizko geruzetan egongo dira. Eolok hegoaldetik egingo du goizean, eta iparraldetik arratsaldean. Tenperaturek pixkanaka berriro gora egingo dute: Gasteiz inguruan 10 eta 25 gradu arteko aldea espero da.
Bihar, antzeko egoera izango dugu: egunsentiarekin batera lainoak agertuko dira. Horiek altxatzean, zeru gardenak izango ditugu. Haizea ere, bezperaren ibilbide berdina egingo du: hegoaldetik joko du goizean, eta iparraldetik arratsaldean. Termometroan koska batzuk irabaziko dira: 13 eta 27 gradu arteko tenperaturak izango ditugu.