Ostegun euritsua izango dugu, eta egoera hori egun gehienean zehar mantenduko da, gainera. Jaurlaritzak abisu horia eman du prezipitazio altuengatik, baina, momentuz, soilik Bizkai eta Gipuzkoarako. Arratsaldean, tarteka, Eguzkia ikusi ahalko da, hodeien arteko zirrikituetan. Iparraldetik joko du haizeak, bolada gogorrekin. Tenperaturek beheranzko joeran jarraitzen dute. Batez ere maximoetan nabarituko da giroa freskatzen ari dela: 8 gradutan hasi eta gehienez 14 graduen koskara iritsiko da galinstanoa.
Biharko egun argiagoa espero izatekoa da. Batez ere hasieran hodeitsu egongo da, zaparradaren batekin, baina eguerdian hasita ostarteak zabalduko dira. Norabide aldakorreko haizea izango dugu, eta tenperaturen tartea bezperaren berdina izango da: 8 eta 14 gradu artekoa.