Asteburuan ostarte zabalak izan eta gero, aste berria hodei trinkoekin hasiko da. Oro har, zerua nahiko estalita mantenduko da egun osoan zehar. Zaparrada txikiak ere egon daitezke, han-hemenka. Norabide aldakorreko haize ahul-biziarekin batera mugituko dira hodeiak. Tenperaturetan, demaseko aldaketarik ez, goiz eta gau freskoak espero direlako: Gasteizen 7 eta 15 gradu artean mugituko da galinstanoa.
Bihar, antzera ibiliko da ortzia: zeru oso hodeitsuak eta zaparrada txikiak. Euria egiteko aukera gehiago egongo dira, eta, antza, aste osoan mantenduko da egoera berdina. Haizea, bezperaren berdinetan, bolada gogorragoren bat botatzeko aukerekin. Termometroei dagokienez, 9 eta 16 gradu arteko aldea espero da.