Zeru hodeitsua izango da gaurko protagonista, erdi eta goi mailako hodeiak ugarituko direlako. Batez ere arratsalde partean ilunduko da zerua, eta, ordu horien bueltan, zaparradaren bat ere bota lezake. Norabide aldakorreko haize ahula ibiliko da, batez ere mendiaren inguruetan zakarrago jo dezakeena. 9 eta 18 gradu arteko tenperaturak espero dira.
Asteburuan hodeitza mantenduko da. Larunbatean bereziki euria izan dezakegu, bai eta trumoi ekaitzak ere. Egoera berdina errepikatuko da igandean; osterantzean, egun horretako arratsaldean Eguzkia ere ikusi ahal izango da hodei artean. Termometroak beheranzko joerari eutsiko dio: hurrenez hurren, 9-16 eta 7-15 gradu arteko aldeak espero dira biharko eta etziko.