Lainotuta esnatuko da asteartea, baina ondoren ortzia nahiko oskarbi geratuko da. Goizean goiz eta egunaren amaiera norabide aldakorreko haize ahula izango dugu; egunaren erdian, ordea, indartsuago joko du, iparraldetik. Bereziki arratsaldean bolada gogorrak izan daitezke. Tenperaturak atzoko egunaren parekoak izango dira Gasteizen: 7 eta 21 gradu artekoak.
Asteazkenerako antzeko eguraldia iragarri dute: behin goizeko lainoak altxatuta, zerua garbi geratuko da, hodei gutxirekin. Eolok hegotik hasiko du jarduna, arratsaldeko iparraldeko osagaia hartuko duen arren. Tenperaturak ere, berdintsu: 7 eta 22 gradu artean.