Zerua partez hodeitsu mantenduko da ostegunean, eta, noizean behin, zaparrada txikiak bota ditzake, batez ere arratsalde partean. Euri horiek ekaitz izaera hartu dezakete. Hegoaldetik joko du haizeak, baina iparreko osagaia hartuko du arratsalderako. Ohi bezala, ordu horietan gogorrago jo ahalko du. Tenperaturei dagokienez, beheranzko joera mantenduko da: 14 eta 21 gradu artekoak espero dira Gasteizen.
Biharko, hodeiak are gehiago trinkotuko dira, eta euri txikiak han-hemenka izango dira, bereziki goizean. Bezperaren kontrako ibilbidea egongo da: egotekotan, euriak goizean izango dira, eta arratsalde partean garbiago egongo omen da zerua. Haizeak iparraldetik egingo du, gogoz. Tenperaturek gradu bat edo egingo dute behera: 13 eta 20 gradu arteko aldea iragarri dute.