Gaurko ortzia hodei askorekin ikusiko dugu goizean, behe hodeiekin; baina, egunak aurrera egin ahala zerua zertxobait garbituko da, goi hodeiekin. Norabide aldakorreko haize ahula joko du egun gehienean, eta arratsaldean gogorrago egongo du. 11 eta 21 gradu arteko tenperaturak espero dira.
Asteburuari begira, berriro eguzkia eta beroa bueltatuko dira. Bai larunbatean zein igandean goizean goiz lainoak agertu daitezke, baina, gainerakoan, zerua oskarbi geratuko da. Aintzat hartu behar da bereziki larunbateko goizean goizeko tenperaturak nahiko baxuak izango direla, baina ondoren Eguzkiak lagunduko du giroa berotzen. Gasteizen 9 eta 26 gradu arteko aldeak espero dira larunbaterako, eta 17-30 artekoak iganderako.