Atzokoarekin alderatuz, gaur goizaldean hodei gehiago ikusiko ditugu zeruetan, baina, oro har, ostarteak nagusituko dira. Haizeak gehienbat mendebaldetik joko du, baina arratsaldean ipar osagaia hartuko du. Tenperaturei dagokienez, maximoetan espero da aldaketarik handiena, nabarmen behera egingo dutelako: 11 eta 23 gradu artean ibiliko dira.
Biharko, Euskalmetek dio zaparrada txikiak egon daitezkeela, batez ere egunaren amaieran. Gainerakoan, erdi mailako hodeiak eta goi hodeiak nagusiko dira. Goizean haizeak hegoaldetik joko du baina arratsaldean ipar osagaikoa izango da. Tenperaturetan ez da aldaketa handirik espero: 11 eta 20 gradu arteko aldea iragarri dute.