Goizean goiz laino batzuk agertuko diren arren, astelehen honetako zeruak oskarbi agertuko zaizkigu, goi edo erdi mailako hodei batzuekin zipriztinduta. Norabide aldakorreko haize ahul-bizia ibiliko da, baina haizeguneetan zakartu daiteke. Atzoko beroa zertxobait jaitsita ere, galinstanoa nahiko altu ibiliko da eguerdi eta arratsaldean: 11 eta 27 gradu artekoa izango da gaurko tenperatura.
Antzeko egoera espero izatekoa da biharko ere: hodei gutxi izango ditugu, eta, daudenak, goian ibiliko dira. Hegoaldeko haize arina joko du, baina zenbaitetan gogorrago egingo du. Tenperaturetan ere, antzera, maximoak zertxobait jaitsiko diren arren: Gasteiz inguruetan 13 eta 24 gradu artekoa espero da.