Osteguna grisean hasi badugu ere, orduak aurrera egin ahala zeruak garbituko dira, goizean eta eguerdian hodeiak gutxituko direlako. Egunaren amaieran, baina, hodeiak berriro trinkotuko dira. Norabide aldakorreko haize ahula izango dugu, arratsaldean iparretik finkatu eta zertxobait indartuko bada ere. Tenperaturei dagokienez, 15 eta 24 gradu arteko aldea izango dugu.
Ostirala zeru estaliekin hasiko dugu, eta euri pixka bat ere egingo duela espero izatekoa da. Arratsalderako, ordea, hodeiak gutxituko dira, eta, tarteka, Eguzkia ere ikusi ahalko da. Egun osoan zehar haizea indartsu ibiliko da, iparraldetik. Tenperaturei dagokienez, minimoek beherako joeran jarraituko dute: Gasteiz inguruetan 14 gradutan hasiko da termometroa, baina goitik ez da 21 gradutatik igaroko.