Astea bero hodeiekin eta partez estalitako zeruekin hasiko dugu. Atzokoaren bidetik, batez ere arratsalde eta gau aldean ekaitz txikiak sortu daitezke. Hego haizea indartsu ibiliko da. Tenperatura minimoetan ez da aldaketa larregirik espero, baina, maximoek zertxobait egingo dute behera: 18 eta 29 gradu artean ibiliko da termometroa.
Bihar goiz lanbroa izango dugu goizean, baina, gainerakoan, Lorenzo jauna dotore ibiliko da, benetan zortzi argi-minutura egonda ere. Gau partean, ordea, lainotuko omen zaigu zerua. Haizea hegoaldekoa izango da goizean, baina arratsaldean ipar osagaia hartuko du. Tenperatura minimoak pittin bat jaitsiko diren arren, antzera ibiliko da termometroa: 16 eta 29 gradu artean, Gasteizen.