Magialdia Gasteizko Magia Jaialdiaren 34. edizioak Gasteiz magiaz buztiko du berriz ere irailean. Hiriburua hartu aurretik, abuztuaren 28tik irailaren 11ra, Magialdiaraba Arabako hamazazpi herritatik igaroko da, Asier Kidam, Tor Magoa, Txoborro Magoa, Hodei Magoa eta Imanol Ituiño mago euskaldunen eskutik.
Aurreko edizioetan bezala, Estatu osotik eta beste herrialde batzuetatik etorritako 200 mago, profesional eta afizionatu baino gehiago izango dira Magialdiak irailaren 16tik 18ra Europa Biltzar Jauregian eskainiko duen programa profesionalean.
Gasteizko Magialdiak ohiko gala eta gaualdiez gain, edizio honetako nobedade nagusien artean izango dira AEBetako Penn & Teller Fool Us telebista saioetarako entzunaldiak, eta Dentro de lo invisible, irailaren 12tik 14ra Santa Maria Katedraleko elizpean egingo den magia ikuskizuna. Egitarauaren inguruko xehetasunak Magialdiaren webgune ofizialean aurki daitezke.