Arabako herri txikien despopulazioa aztertzen du Erroak dokumentalak. Sergio Azkarate, Irati Lekue, Itziar Hormilla, Nefer Olaizola eta Erlantz Mataren lana 2019ko Batera deialdian aukeratutako proiektuetako bat da.
Joan den ostiraletik YouTube plataforman ikusgai dagoen dokumental honetan Arabako landa eremuaren egoera ezagutu ahal izango dute ikusleek, lurraldeko hainbat herritako biztanleen istorioak jarraituz. "Despopulazioa herri txiki asko husten ari da. Herri horietako biztanleen ametsak ere ezagutuko ditugu, landa eremua bizirik mantentzeko borrokan ari direlarik", azaldu dute egileek.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.