Espainiako Poliziak eta Guardia Zibilak droga trafikoaren kontrako operazio bat egin dute ostegun honetan Errioxako erkidegoko eta Arabako hainbat herritan. Ondoko erkidegoan, Logroñon eta Larderon egin dituzte miaketak, eta bi pertsona atxilotu dituzte. Araban, Gasteizen, Tresponden, Langraiz Okan eta Oionen egin dituzte miaketak.
Polizia iturrien arabera, Oionen, Parquesol industrialdeko nabe batean, indoor marihuana plantazio handi bat aurkitu dute. Bertan izan dira gutxienez 30 agente eta hamar ibilgailu baino gehiago, Guardia Zibilaren txakurrekin.
Ustez, Errioxan, Euskal Autonomia Erkidegoan eta hurbileko beste zenbait erkidegotan droga ekoizten eta banatzen zuen talde kriminala da.