Zenbait tokitan hodeitsu esnatu da osteguna, baina egunaren erdirako zeruak nahiko oskarbi geratuko dira. Egunaren amaieran, ordea, hodeiak bueltan izango ditugu, eta zerua berriro partez estalita geratuko da. Norabide aldakorreko haizea izango digu, eta batez ere arratsaldean gogorrago jo dezake. Tenperaturetan ez da apenas aldaketarik espero atzokoekiko: 10 eta 21 gradu artean ibiliko dira Gasteizen, 11 eta 23 gradu artean Kanpezun eta 11-25 gradutan Guardian.
Ostirala ere nahiko estalita esnatuko da, behe-hodeiak nagusituko direlarik. Arratsaldean, baina, garbiago egongo da. Egun osoan zehar norabide aldakorreko haizea ibiliko da. Tenperaturak ere, bere horretan: 11 eta 20 gradu artean Gasteiz inguruetan.