Zeru hodeitsuak eta ostarteak mantenduko dira egun gehienean zehar, baina arratsalderako hodeitza gutxituko dela espero izatekoa da. Haizeak iparretik joko du, ahul-bizi. Tenperaturei dagokienez, atzokoaren bidetik joango dira gaurkoan ere: 10 eta 20 gradu arteko tenperatura tartea izango dugu.
Biharko ere antzeko ibilbidea izango du egunak: gehienetan estalia, arratsaldean zertxobait argituko duelarik. Haizeak norabide aldakorreko ibilbidea izango du, eguerdian iparreko osagaian finkatuko den arren. Tenperaturak ia-ia berdinetan egongo dira: 11 eta 20 gradu arteko aldea espero da, Gasteiz inguruetan bederen.