Atzoko freskatzearen ondoren, gaur berriro tenperatura maximoek gora egingo dute, baina ez azken egunetan bezainbeste. 12 eta 29 gradu arteko aldea espero da Gasteiz inguruetan. Oro har, egun eguzkitsua izango dugu, baina hodei batzuez zipriztinduta. Goizean ekialdetik joko du haizeak, baina arratsaldean iparraldeko osagaia hartuko du.
Biharko, aldaketa nahiko nabarmena dator: hodeiak ugarituko dira, eta zerua estaliko dute. Are, euri pittin bat ere izan dezakegu goizean. Tenperaturak asteartekoen parera bueltatuko dira, 15 eta 22 gradu artean kokatuta.