Beroari lotutako 27 larrialdiri aurre egin behar izan die Osakidetzak hilaren 10etik atzora arte, Osasun Sailak gaur ezagutzera eman duenez. Horietatik hamabost ospitalera eraman behar izan dituzte, bertan artatzeko.
Euskal Autonomia Erkidego osoan 184 larrialdi jaso dituzte orain arte; horien ondorioz, 84 lagun ospitalera eraman behar izan dituzte. Azken asteburu honetan bildu dira kasu gehienak. Osakidetzak heriotza baten berri eman du ere, eta esan du ospitalera joan behar ez zuten horietako bat zela. Ez du argitu zertan izan zen heriotza hori.
Halako egoeratan ematen diren aholkuak jarraitzeko eskatu du osasun erakundeak, bereziki haurrak, adinekoak eta gaixotasun kronikoak dituzten pertsonak direnean. Webgune honetan bildu dituzte muturreko beroari aurre egiteko jarraibide orokorrak.