Bereziki goizean goiz eta arratsaldearen amaieran tarteka zeru hodeitsuak izango ditugu, baina, gainerakoan, garbituz joango da, eta hodei gutxiago egongo dira zeruan. Norabide aldakorreko haize ahul-bizia ibiliko da; arratsaldean, dezente zakartu daiteke. Galinstanoa 11 eta 23 gradu artean mugituko da.
Bihar lanbroekin hasi daiteke eguna, eta goizean hodeiak izango ditugu, baina arratsalderako zerua garbituko omen da. Hegoaldean ortzia garbiago mantenduko da egun osoan zehar. Haizea ere aldakor, bolada gogor batzuk botako omen ditu arratsalde partean. Termometroaren dantza, 10 eta 24 gradu artean.