Egunsentiko ekaitzaren ostean, zerua oso hodeitsu geratuko da goiz osoan zehar, eta horiekin batera zaparrada txikiak ere egon daitezke, zenbait lekutan handiagoak eta trumoitsuak izan daitezkeelarik. Arratsalderako, ordea, eguraldiak hobera egingo duela espero da. Haizeak iparretik joko du, ahul-bizi, zenbaitetan gogorrago. Termometroan 13 eta 19 gradu artekoak espero dira.
Ostegunerako, egunaren hasieran hodeiak mantenduko dira, goizean goizeko lanbroarekin batera, baina bihar ere zeruak garbitzen joango dira egunak aurrera egin ahala. Egun osoan zehar izango den ipar haizea bereziki arratsaldean zakartuko da, eta bolada gogorrak izango ditu. Tenperaturei dagokienez, maximoek gora egingo dute: 12 eta 23 gradu arteko aldea espero da.