Atzoko arratsaldearen segidan joango da gaurko goiza ere: hodeiak nagusi izango dira, eta euria bota ahalko du. Arratsalde honetarako, baina, zeru garbiagoak izango ditugu. Ipar haizea izango dugu, bolada gogor batzuekin arratsaldean. Giro freskoa mantenduko da: 8 eta 15 gradu arteko aldea egongo da gaur.
Biharkoari dagokionez, lainoak izango ditugu goizean, baina gero eguzkia nagusituko da egun osoan zehar. Haizeak ere iparretik egingo du bihar, zenbaitetan gogotsu. Tenperatura tartea zabalagoa izango da, eta gauez nabarituko da hotza: 5 gradutik 22 gradurainoko aldea izango dugu.