Gaur lainoak agertuko dira zenbait puntutan eta, horiek altxatzean, zerua partez hodeitsu geratuko da. Arratsalderako iragarri dute bero hodeiak sor daitezkeela, eta, ondorioz, zaparrada txiki edo ertainak izateko arriskua egongo dela, zenbait lekutan ekaitz izaera izan dezaketenak. Ondorioz, Euskalmetek abisu horia eman du, prezipitazio altuengatik. Hego haizea goizean eta iparraldekoa arratsaldean. Ekaitza sortuz gero, haize hori zakartuko da. Termometroak 10 gradutan hasi eta 22 gradutara iritsiko dira.
Bihar oso hodeitsu esnatuko da eguna, baina hodeitzak arinduko dira egunak aurrera egin ahala. Zaparradaren bat ere egon daitekeelakoan dago Euskalmet. Norabide aldakorreko haizea ibiliko da: goizean mendebaldekoa, eta, arratsaldean, iparraldekoa. Tenperaturek bezperakoen ildotik jarraituko dute: 9 eta 23 gradu artean.