Eginaren Eginez elkarteak, Arabako desgaitasun fisikoa duten pertsonen elkarteak, egin du salaketa. Hilabete hasieran aurkeztutako edukiontziak irisgarriak ez direla salatu du ohar batean. Agatha Ruiz de la Prada diseinatzaileak sortutako hamabost edukiontziak irisgarritasun legediak betetzen ez dituztela ohartarazi du, eta "berehala kentzeko" eskatu dute.
"Beira edukiontziak berehala kentzea eskatzen diogu Gasteizko Udalari. Gure kolektiboaren eskubide eta aukera berdintasuna babesten duten lege guztiak urratzen dituzte erabaki hauekin", aipatu dute oharrean. "Lotsagarria da Udalak kolektiboko lagunak modu honetan mespretxatzea".