Hodeitzak bueltan dira, eta gogoz, gainera. Ondorioz, gaur zerua hodeitsu egongo da, ipar haizeaz lagunduta. Arratsaldean haize hori zakartuko dela iragarri dute, bolada gogorrekin. Tenperaturak ere nabarmen jaitsiko dira, hotzik izango ez den arren. Minimoak 14 gradutan hasiko dira, baina galinstanoak ez du 21 graduen galga gaindituko.
Bihar hodeiak eta ostarteak tartekatuko dira zeruan. Haizea hego-mendebaldekoa izango da goizean, baina arratsaldean ipar osagaia hartuko du, eta bolada gogorrak izan ditzake. Gaurkorako espero direnak baino altuagoak izango dira biharko tenperaturak: 15 eta 24 gradu arteko aldea espero da, Gasteiz inguruan bederen.