Zenbait puntutan goizean zehar euri pixka bat egin badezake ere, atertzera egingo du, eta eguzkia eta beroa izango dira nagusi. Horren ondorioz, beto hodeiak metatuko dira, eta ekaitzaren bat egon daiteke arratsaldean. Hego haizearekin batera indartuko da beroa. Tenperaturak 17 gradutan hasi eta 33 gradutara hel daitezke. Dagoeneko Euskalmetek abisu horia eman du, tenperatura altuengatik.
Bihar tenperatura tarte hori bere horretan mantenduko da. Goizean hego haizea izango dugu, baina arratsaldean ipar osagaia hartuko du. Baina, oro har, eguna bezperaren bide beretik joango da: eguzkia eta tenperatura altuak.