Lanbroa izango dugu goizean, eta hasieran zeru hodeitsua izango dugu, tarteka. Halere, zerua garbitzen joango da, eta ostarteak gailenduko dira. Egunaren amaieran bereziki zaparrada trumoitsuren bat izan genezake. Haizea ahul eta aldakor ibiliko da, eta soilik ekaitza sortzekotan zakartuko da. Tenperaturak 13 eta 25 gradu artean ibiliko dira.
Biharko, antzeko agertokia marraztu du Euskalmetek: goizean lanbroa izango dugu, eta zerua tarteka hodeitsu egongo da, zaparradaren bat bota ahal izango duelarik. Haizea, ahul eta aldakor, arratsaldean zakartu daitekeen arren. Tenperaturak nabarmen igoko dira: termometroak 16 eta 33 gradu artean ibiliko dira. Momentuz euskal meteorologia erakundeak ez du aparteko abisurik eman iberiar penintsula jotzen hasia duen beroaldiaren haritik.