Nahiko zeru oskarbiak izango ditugu gaur, goi hodei batzuek zipriztinduko duten arren. Bero hodeiak metatuko direnez, arratsaldean ekaitzak sor daitezke. Hegoaldetik ibiliko da haizea goizean, arratsaldean ipar osagaia hartuko badu ere. Tenperatura maximoek dezente egingo dute gora: 11 gradutan hasi eta 27 graduraino egin dezake termometroak.
Biharko, antzeko agertokia marraztu du Euskalmetek: hodeiak eta ostarteak tartekatuko dira zeruan, eta, beroa metatuko denez, arratsaldez ekaitz gisa askatu daiteke gora eramandako hezetasun hori guztia. Haizeak iparretik egingo du, eta tenperaturak 12 eta 24 gradu artean ibiliko dira.