Ostiralean zeru hodeitsuak mantenduko dira, baina arratsalderako garbitzen joango dira. Norabide aldakorreko haize ahul-bizia izango dugu, eta termometroa 10 eta 19 gradu artean ibiliko da.
Asteburuan, hobetzerako joera mantenduko da. Larunbatean behe-hodeiak izango ditugu hasieran, baina arratsaldean zerua nahiko garbi mantenduko da. Igande goizean lainoak ager daitezke, baina, horiek altxatzean, berriro ere zeru nahiko txukunak geratuko dira. Haizeak ez du aparteko indarrik izango asteburuan zehar, eta tenperaturek gora egingo dute: hurrenez-hurren, 10-22 eta 9-24 gradu arteko aldeak espero dira larunbatean eta igandean.