Hodeiak gurekin izango ditugu egunaren hasieran, baina, dena ondo bidean, arratsaldean hodei horiek gutxituko dira, eta zerua garbiago ikusi ahalko dugu. Haizeak iparretik egingo du, baina indar gehiegirik gabe. Termometroari dagokionez, 9 eta 16 gradu artean mugituko da.
Ostiralean antzerakoa izango da egunaren bilakaera: hodeiak goizean eta zeru garbiagoak arratsaldean. Haizeak ere bezperako joera mantenduko du, iparraldetik, ahul-bizi. Tenperaturetan demaseko aldaketarik egongo ez bada ere, galinstanoak zertxobait gora egingo du: 10 eta 19 gradu arteko aldea espero da.