Tximino baztangaren lehen bi kasuak baieztatu ditu gaur Osakidetzak. Hain zuzen ere, Arabako bi gizonek eman dute positibo. Horien sintomak arinak dira, eta ez dituzte ospitaleratu behar izan. Osasun Sailak azaldu duenez, Espainiako Mikrobiologia Zentroak baieztatutako bi kasuek lotura epidemiologikoa dute Arabatik kanpoko beste kasu batzuekin.
Osasun Sailak martxan du tximino baztangari aurre egiteko protokoloa, eta, azaldu duenez, "ager litezkeen kasu posibleak eta horien kontaktuak zaintzen" ari da. Gogorarazi dute, halaber, tximino baztanga "oso gutxitan" agertzen den gaixotasuna dela, eta ohiko sintomak direla sukarra, mialgiak, adenopatiak (gongoiletako hantura) eta erupzioak eskuetan nahiz aurpegian, barizelaren antzera.