Ni horrelakoa naiz film laburrak trans neska baten istorioa kontatuko du. "Trantsizioa egiteko pausoa eman badu ere eta horretaz harro badago ere, oraindik beldur da. Horietako bat da gaur egungo mutil-lagunari esatea trans neska bat dela. Baina egoera hori erabat aldatuko da bere neska-lagun ohiaren agerpenarekin, bere iragan guztia ezagutzen duena", dio filmaren sinopsiak.
Ideia horretatik abiatuta, Mondragon Unibertsitateko Ikus-entzunezko Komunikazioko sei ikaslez —lau bizkaitar, gipuzkoar bat eta gasteiztar bat— osatutako talde batek LGTBIQ+ kolektiboari ikusgarritasuna eman nahi dion film laburra sortzeko crowdfunding kanpaina bat abiatu du Itsulapikoa.eus plataforman.
3.000 euro lortzeko helburuarekin, 5, 10, 20, 30 eta 50 euroko ekarpenak egiteko aukera dago, eta eskerrak emateko hainbat sari zozkatuko dituzte: bi lagunentzako dastaketa afari bat Michelin izar bateko jatetxe batean, bi lagunentzako asteburu bat Las Casas de la Cascada landetxean (Kantabria), liburuak eta Sagardoaren Museora bisita, besteak beste.
Beharrezko finantzaketa lortu bitartean, proiektuaren inguruko nobedadeen berri ematen ari dira sare sozialen bitartez:
- Twitter: @HorrelakoaNaiz
- Instagram: @NiHorrelakoaNaiz
- Facebook: Ni Horrelakoa Naiz